Thyehet dera e një shtëpie në Mitrovicë të Veriut – Policia nis hetimet për dëmtim prone

Një rast i dëmtimit të pronës private është raportuar mbrëmjen e së dielës në Mitrovicën e Veriut, ku një qytetar ka denoncuar dëmtimin e derës së shtëpisë së tij.

Burimet e Sinjalit brenda hetimeve bëjnë me dije se më 20 korrik 2025, rreth orës 20:00, në stacionin policor është paraqitur D.A., i cili ka deklaruar se është njoftuar nga fqinji i tij se dera e shtëpisë së tij në rrugën “Sutjeska” ishte thyer.

Policia, bashkë me Hetuesin dhe ekipin e Forenzikës, kanë dalë menjëherë në vendin e ngjarjes, ku kanë kryer ekzaminimet e nevojshme.

Prokurori kujdestar është njoftuar dhe ka urdhëruar që rasti të iniciohet si “Asgjësim apo Dëmtim i Pronës”, ndërsa hetimet janë duke vazhduar për të identifikuar autorin/ët e mundshëm.