Teuta Haxhiu: Sektori privat është motori i ekonomisë dhe çelësi i zhvillimit

Kandidatja për deputete nga AAK-ja, Teuta Haxhiu, ka vlerësuar hapjen e Hypermarketit “Kiana” në Ponoshec të Gjakovës nga afaristi Afrim Osmani, duke e cilësuar këtë investim si shembull të rëndësishëm të kontributit të sektorit privat në zhvillimin ekonomik të vendit.

Haxhiu theksoi se krijimi i 23 vendeve të reja të punës është dëshmi se bizneset private mbeten shtylla kryesore e ekonomisë dhe punësimit.

“Sektori privat është motori i ekonomisë dhe çelësi i zhvillimit”, ka shkruar ajo, duke falënderuar Osmanin për mundësinë e krijuar për 23 familje të kësaj zone.

“Afaristët e suksesshëm si Afrim Osmani nga Nivokazi i kullave dhe i traditës, i cili krahas shumë veprimtarive tjera , sot në Ponoshec të Gjakovës i krijoj edhe

23 vende të reja pune në Hypermarketin “Kiana”, meritojnë respekt të veçantë në vendin tonë, trajtim që kohëve të fundit nuk e gëzuan nga Qeveria në largim.

Por kjo mendësi do të ndryshojë rrënjësisht në Qeverinë e re të prirë nga Aleanca dhe Ardian Gjini kryeministër.

Afrim, të faleminderit shumë për këtë mundësi të re për 23 familje të lokalitetit tonë.

Shumë urime dhe suksese në vazhdimësi!”, ka shkruar Haxhiu.