Tentoi të hynte ilegalisht në Kosovë, arrestohet një shtetas i huaj në Han të Elezit

Një shtetas i huaj është arrestuar në Han të Elezit pasi dyshohet se ka kaluar ilegalisht vijën kufitare për të hyrë në Kosovë.

Sipas Policisë së Kosovës, rasti ka ndodhur të hënën rreth orës 13:15, kur njësia patrulluese ndaloi të dyshuarin, i cili kishte kaluar në këmbë në mënyrë të paautorizuar kufirin.

Gjatë verifikimit, autoritetet konstatuan se ndaj tij ishte në fuqi një ndalesë dyvjeçare për hyrje në territorin e Kosovës.

Me aktvendim të prokurorit kujdestar, i dyshuari është dërguar në qendrën e mbajtjes, ndërsa rasti po hetohet për veprën penale “Kalimi i paautorizuar i kufirit”