Të shtënat në Podujevë, deklarohet Policia: Është arrestuar i dyshuari, s’ka të lënduar

Të shtëna me armë zjarri janë dëgjuar në rrugën “Zahir Pajaziti” sot në Podujevë.

Lajmin e ka konfirmuar zëdhënësja e Policisë për Rajonin e Prishtinës, Flora Ahmeti.

E njëjta ka bërë të ditur se i dyshuari tashmë ka rënë në prangat e Policisë, teksa shton se deri më tani nuk raportohet për persona të lënduar.

“Menjëherë pas marrjes së informatës, policia ka dalë në vendin e ngjarjes dhe ka nisur hetimet lidhur me rrethanat që karakterizojnë rastin. Bazuar në të dhënat fillestare nuk raportohet për persona të lënduar”, ka shtuar ajo.