Gjuajtje me armë zjarri janë dëgjuar të premtën në Kllokot, ku raportohet se një veturë në lëvizje ka shkrepur disa herë.
Në vendin e ngjarjes policia ka gjetur dhe konfiskuar tetë gëzhoja, të cilat dyshohet se janë shkrepur nga një mashkull kosovar pasagjer në veturë. Identiteti dhe vendndodhja e të dyshuarit aktualisht nuk dihet.
Rasti është duke u hetuar nga autoritetet kompetente.
“ Kllokot 21.11.2025-02:00 . Raportohet për të shtëna me armë zjarri nga një veturë në lëvizje, në vendin e ngjarjes janë gjetur dhe konfiskuar 8 gëzhoja, të cilat dyshohet se i ka shkrepur i dyshuari mashkull kosovar-pasagjerë në veturë, vendndodhja e të cilit ende nuk dihet. Rasti është duke u hetuar “, thuhet në raportin 24-orësh të policisë.
