Të rinjtë e Lipjanit i dalin në mbështetje Ahmetit: Zëri i tyre më 12 tetor do të jetë vendimtar

Kandidati i Lidhjes Demokratike të Kosovës për kryetar të komunesë së Lipjanit, Imri Ahmeti, sonte në oborrin e palestrës së qytetit u takua me të rinjtë e qytetit ku udhëheq momentalisht.

Ahmeti teksa tha se po merr energji nga ta, shfytëzoi rastin njëherish t’a falënderojë Forumin e Rinisë për angazhimin e tyre.

“Faleminderit Forumit të Rinisë për angazhimin, përkushtimin dhe energjinë që sjell, duke e shndërruar përkushtimin tonë në vepra konkrete për Lipjanin”, tha ai.

Ahmeti gjithashtu u shpreh i bindur se do ta ketë përkrahjen e tyre në zgjedhjet e 12 tetorit.

“Më 12 tetor, zëri i rinisë do të jetë vendimtar. Bashkë do të vazhdojmë ta ndërtojmë një Lipjan ku çdo i ri ka arsye të qëndrojë, të punojë dhe të ëndërrojë.

Rinia jonë beson në punë, jo në propagandë. Ajo është krenaria e Lipjanit dhe motivi ynë për të vazhduar me forcë e përgjegjësi të lartë drejt zhvillimit të vendit tonë”, përfundoi Ahmeti.