Policia e Kosovës ka bërë apel për kujdes të shtuar gjatë ngasjes, si pasojë e ndryshimit të kushteve atmosferike dhe reshjeve të shiut e borës që po mbizotërojnë në vend.
Sipas Policisë, kushtet aktuale atmosferike, përfshirë reshjet e shiut, borës si dhe ngricat e mundshme, po krijojnë vështirësi në qarkullimin rrugor dhe rrezik për aksidente trafiku.
Postimi i plotë:
APEL:
KUJDES TË SHTUAR GJATË NGASJES NGA TË RESHURAT E SHIUT DHE BORËS!
Bazuar në situatën e tanishme ku kemi ndryshim të kushteve atmosferike dhe reshje të shiut e të borës, Policia e Kosovës apelon tek të gjithë pjesëmarrësit në trafik, në veçanti shoferëve të automjeteve për kujdes të shtuar, përshtatje të shpejtësisë me kushtet atmosferike dhe me gjendjen e rrugës, mbajtje të distancës mes mjeteve si dhe ngadalësim gjatë lëvizjes në rrugë nga të reshurat e shiut dhe në rrugë të mbuluara me borë dhe me mundësi të paraqitjes së ngricave.
