Protestat në mbështetje të ish-krerëve të UÇK-së pritet të vazhdojnë edhe gjatë ditëve në vijim në vende të ndryshme të Evropës.
Një protestë e tillë është paralajmëruar për të dielën në Oslo të Norvegjisë, ku organizatorët kanë bërë thirrje për pjesëmarrje në një tubim paqësor në mbështetje të ish-pjesëtarëve të UÇK-së.
“Ju ftojmë në një protestë paqësore në Oslo në mbështetje të ish-pjesëtarëve të UÇK-së dhe për të shprehur qëndrimin tonë lidhur me vendimet e Gjykatës Speciale në Hagë”, thuhet në ftesë.
Në njoftim, organizatorët kanë theksuar se protesta synon të shërbejë si një mundësi për të shprehur shqetësimet dhe kërkesat e tyre.
