Kryetari i Drenasit, Ramiz Lladrovci, ka zhvilluar një takim me vlerë të veçantë me dy prej figurave më të rëndësishme të çlirimit të vendit, Agim Çekun e Sylejman Selimin.
Në fokus të bisedës ishin vlerësimet historike të Gjeneralit Wesley Clark, drejtësia e luftës së UÇK-së dhe pafajësia e heronjve të luftës dhe paqes.
Lladrovci theksoi se takimet me gjeneratën e çlirimit janë gjithmonë frymëzuese, duke sjellë në vëmendje kontributin e tyre në ndërtimin e aleancës historike me NATO-n dhe në proceset vendimtare shtetformuese për Kosovën.