Kandidati i Aleancës, Besnik Tahiri i cili garon me numër 2 për deputet, është përplasur me Arbërie Nagavcin e VV-së.
Ai ka paralelizuar premtimet e Qeverisë në detyrë me gjëra thuajse të pamundura.
I njëjti shtoi se qytetarët kanë nevojë për vepra e jo për premtime.
“Sot, t’u premtosh qytetarëve katër hekurudha të reja, ndërsa për pesë vjet nuk ke arritur të përfundosh rrugën për Gjakovë, autostradën e Gjilanit dhe urën në Vrandoll, është njësoj si të thuash: “Nesër po shkoj në Hënë.”
Qytetarët kanë nevojë për vepra të përfunduara, jo për premtime të reja”, tha Tahiri.
