Dhomat e Specializuara në Hagë e kanë konfirmuar përmes një komunikate se Bashkim Smakaj dhe Fadil Fazliu janë liruar me kusht.
Gjyqtari i vetëm në këtë çështje penale, ka vlerësuar se mbajtja e tyre në paraburgim nuk është më e arsyeshme apo proporcionale.
Ndër të tjera, gjykatësi ka konstatuar edhe se nuk ka rrezik që Fazliu dhe Smakaj të arratisen, sidomos duke pasur parasysh shumën e dorëzanisë financiare të ofruar prej tyre, të cilën do ta humbisnin në rast se arratisen.
Fazliu kishte ofruar 40 mijë euro garanci, shuma më e madhe e dhënë për Dhomat e Specializuara, ndërsa për Smakajn u ofruan 50 mijë, 20 prej gruas e djalit dhe 30 të tjera nga kolegu i tij universitar, Sami Makolli.
