Sindikata e Punëtorëve të RTK’së do të mbajë nesër një konferencë për media.
Në njoftim thuhet se qëllimi i konferencës është informimi mbi protestën që Sindikata do të organizojë, duke bërë publike datën, orën dhe” kërkesat e drejta që synojnë përmirësimin e kushteve të punës dhe respektimin e ligjit në Radio Televizionin e Kosovës”.
Sindikata ka kërkuar ndërhyrje urgjente nga institucionet për të shmangur krizën financiare që po rrezikon funksionimin e transmetuesit publik.
SPERTK thekson se është e domosdoshme që të alokohet sa më shpejt pjesa e mbetur e buxhetit të miratuar nga Kuvendi, në mënyrë që të garantohet vazhdimësia e misionit të RTK-së.
Sindikata kujton se në nëntor 2024 ka dorëzuar ankesë në Gjykatën Kushtetuese për shkak të zvogëlimit të buxhetit me 2 milionë euro, por deri tani nuk ka marrë përgjigje.
Në komunikatë thuhet se nëse buxheti nuk alokohet deri më 5 gusht 2025, SPERTK paralajmëron nisjen e padive ligjore dhe protestave nga 6 gushti.
