Ky samit, i cili ka filluar ditën e djeshme dhe do të vazhdojë edhe sot, ka për qëllim të forcojë bashkëpunimin ekonomik mes vendeve të rajonit dhe të nxisë iniciativa të përbashkëta brenda kuadrit të Tregut të Përbashkët Rajonal.
Në mesin e pjesëmarrësve janë kryeministri i Kosovës, Albin Kurti, kryeministri i Shqipërisë, Edi Rama, presidenti i Serbisë, Aleksandar Vuçiq, si dhe liderë të tjerë nga rajoni, përfaqësues të institucioneve evropiane dhe partnerë ndërkombëtarë.
Diskutimet pritet të përqendrohen në mënyrat konkrete për të përshpejtuar integrimin ekonomik, përmirësimin e infrastrukturës ndërkufitare dhe harmonizimin e politikave me ato të Bashkimit Evropian, me synim për të sjellë rritje të qëndrueshme ekonomike dhe më shumë mundësi për qytetarët e rajonit.
Ky samit konsiderohet një hap i rëndësishëm drejt afrimimit të Ballkanit Perëndimor me BE-në dhe thellimit të bashkëpunimit rajonal në frymën e stabilitetit dhe zhvillimit të përbashkët.
