Sekretarja e Shtypit e Shtëpisë së Bardhë, Karoline Leavitt, po zhvillon një konferencë për shtyp në Shtëpinë e Bardhë.
E pyetur për luftën me Iranin, Leavitt tha se Teherani vazhdon të komunikojë me Shtetet e Bashkuara dhe se dëshiron të arrijë një marrëveshje.
“Kam folur me presidentin për këtë çështje edhe para rreth një ore. Irani vazhdon shumë të flasë me Shtetet e Bashkuara të Amerikës dhe të shprehë se dëshiron të bëjë një marrëveshje me ne, sepse po pëson goditje shkatërruese”, tha ajo.
Ajo shtoi se sulmet e fundit amerikane gjatë ditëve të fundit u shkaktuan nga shkeljet që Irani bëri ndaj marrëveshjes së përkohshme të arritur mes Teheranit dhe Uashingtonit në muajin qershor, shkruan Reuters
“Veçanërisht, në memorandumin e mirëkuptimit që ata nënshkruan, ishte përcaktuar se nuk do të qëllonin ndaj anijeve tregtare që lëvizin përmes Ngushticës së Hormuzit.
Fatkeqësisht, ata kanë marrë vendimin tragjik për ta bërë këtë. Presidenti Trump nuk do të qëndrojë duarkryq dhe të lejojë që këto akte terrorizmi të ndodhin në ngushticë pa u siguruar që Irani të përballet me pasojat”, u shpreh Leavitt.
