Shpërthim i fuqishëm në Lezhë, disa biznese dhe makina të dëmtuara

Një shpërthim i fuqishëm ka ndodhur rreth orës 23:00 në Lezhë, në lagjen Besëlidhja.

Nga informacionet e para të siguruara nga korrespondentja e Top Channel Brixhilda Deda, mësohet se shumë biznese dhe mjete janë dëmtuara.

Dyshohet se shpërthimi mund të jetë shkaktuar nga bombola gazi dhe ka prekur disa biznese, por ende nuk është e konfirmuar nga policia.

Fatmirësisht nuk raportohet për viktima. Ndërkaq policia ndodhet në vendngjarje dhe po punon për zbardhjen e plotë të ngjarjes