Në Qendrën e Numërimit dhe Rezultateve të shtunën ka përfunduar numërimi i votave nga diaspora, me kusht dhe atyre me nevoja të veçanta për balotazhin e zgjedhjeve lokale.
Kryetari i Junikut, Ruzhi Shehu i cili ka siguruar edhe një mandat në krye të komunës, ka thënë se votat e mërgatës kanë thelluar edhe më shumë fitoren e LDK-së në Junik.
Ai ka bërë të ditur se me numërimin e votave të diasporës, ka siguruar fitore bindëse me rreth 62% të votave.
Kështu, ai ka bërë të ditur se diferenca me vendin e dytë tani është 55 vota.
“Pra edhe statistikisht sot është zhveshur propaganda e “300 votave”, pasi që diferenca jonë me vendin e dytë është rreth 550 vota. Kjo është arsyeja pse kemi qëndruar kaq të qetë përballë shpifjeve dhe ofendimeve, sepse kemi qenë të bindur se e vërteta dhe e drejta do të triumfojnë në fund”, ka shkruar Shehu ndër të tjera.
Postimi i plotë:
Pas votave të mërgatës, thellohet më tutje fitorja jonë
Të dashur junikas, KQZ sot ka publikuar rezultatin edhe për votat e mërgatës, ku kemi fituar po ashtu bindshëm me rreth 62% të votave. Sa i përket votave përfundimtare, në total LDK ka një diferencë rreth 550 vota me koalicionin “Agron Kuçi, Jetmir Tofaj & Le Prof. de Paris Nezir Kraki”.
Pra edhe statistikisht sot është zhveshur propaganda e “300 votave”, pasi që diferenca jonë me vendin e dytë është rreth 550 vota. Kjo është arsyeja pse kemi qëndruar kaq të qetë përballë shpifjeve dhe ofendimeve, sepse kemi qenë të bindur se e vërteta dhe e drejta do të triumfojnë në fund.
Faleminderit të gjithë junikasve që jetojnë në Junik dhe në mërgatë, për besimin dhe për përkrahjen e tyre kaq të madhe. Kështu siç jemi tani, të bashkuar si kurrë më parë, do të punojmë edhe më shumë për të gjithë junikasit pa dallim të bindjeve politike. Urime Juniku im. Vazhdojmë +4 me ndershmëri dhe duar të pastërta.
