Kryetari i Junikut, Ruzhdi Shehu ka dalë me reagim pas reshjeve të dendura të borës në këtë komunë, më saktësisht në bjeshkët e Gjeravicës.
Ai ka njoftuar se menjëherë janë mobilizuar ekipet e Komunës dhe kanë dalë në terren për t’i pastruar rrugët.
Shehu bën të ditur se rruga Junik-Gjeravicë tashmë është e kalueshme plotësisht.
“Të dashur junikas,
Bora e parë e këtij viti tanimë ka filluar që të mbuloj bjeshkët e Gjeravicës. Komuna e Junikut menjëherë ka mobilizuar ekipet e saj në terren për të pastruar rrugën Junik-Gjeravicë e cila tashmë është e kalueshme plotësisht.
Megjithatë ju bëjmë apel të gjithëve për kujdes të shtuar gjatë vozitjes”, tha Shehu.
