Kryetari i Skënderajt, Sami Lushtaku ka falenderuar secilin që i ka qëndruar pranë familjes Jashari në rastin e vdekjes së Sahit Jasharit, shkruan GazetaDemos.
“Falënderoj nga zemra të gjithë qytetarët, miqtë, bashkëluftëtarët, bashkatdhetarët dhe secilin që ndau dhimbjen me ne. Mbështetja dhe solidariteti juaj janë vlera që na japin forcë në këto momente të vështira”, shkrun ai.
Postimi i plotë
Faleminderit!
Në këto ditë të rënda dhimbjeje për familjen Jashari dhe për mbarë kombin, prania juaj në ngushëllime, si dhe mijëra mesazhe, telefonata e thirrje ngushëllimi, janë dëshmi e respektit të madh dhe kontributit të jashtëzakonshëm për çështjen kombëtare të Sahit Jasharit.