Rusia dhe Ukraina shkëmbejnë sulme më vdekjeprurëse

Nëntë persona janë vrarë dhe 23 të tjerë janë plagosur, përfshirë një fëmijë, në sulmet ajrore ukrainase ndaj Rusisë, thanë zyrtarët lokalë, ka raportuar BBC

Tetë persona u vranë në rajonin perëndimor të Belgorodit, në kufi me Ukrainën, në 24 orët e fundit. Një grua vdiq gjatë natës në rajonin jugor të Astrakhanit.

Ukraina tha se dy persona u vranë në sulmet me dronë rusë në rajonin verilindor të Sumy-t, dhe dy të tjerë në rajonin lindor të Donetskut.

Sulmet vijnë një natë pas asaj që Rusia e përshkroi si sulmin “në shkallën më të madhe” nga Ukraina këtë vit, në të cilin u vranë të paktën shtatë persona. Sulmet ruse ndaj Ukrainës vranë gjithashtu të paktën shtatë persona dhe plagosën më shumë se 39 të shtunën në mbrëmje.

Rusia nisi pushtimin e saj në shkallë të plotë të Ukrainës në shkurt 2022 dhe aktualisht kontrollon afërsisht një të pestën e territorit ukrainas.

Sulmet e fundit ukrainase dogjën një ndërtesë dhe dëmtuan një makinë në fshatin Koloskovo të Belgorodit, tha guvernatori rajonal në detyrë Alexandr Shuvaev.

Fëmija i plagosur u dërgua në spital, ndërsa dy të tjerë morën ndihmë mjekësore, shtoi ai.

Ndërkohë, një grua u vra pasi një sulm me dron goditi një shtëpi në rajonin e Astrakhanit, tha të hënën guvernatori lokal.