Presidentja e Kosovës, Vjosa Osmani, ka zhvilluar sot një vizitë në Klinikën e Onkologjisë në Qendrën Klinike Universitare të Kosovës (QKUK), e shoqëruar nga drejtoresha e organizatës “Jeta Vita”, Nafije Latifi.
Në një konferencë për media, Osmani theksoi se ky veprim nuk është vetëm simbolik, por ka një ndikim të madh në gjendjen emocionale dhe psikologjike të pacienteve.
“Mbështetja që në shikim të parë mund të duket simbolike, ka rëndësi të madhe për përkrahjen psikologjike të pacienteve. Këtë vit janë ndarë rreth 640 proteza për pacientet onkologjike, dhe ky është vit i katërt i këtij bashkëpunimi”, tha ajo.