Ministria e Arsimit dhe Shkencës ka njoftuar se gjithsej 5,033 kandidatë kanë aplikuar për Provimin e Maturës përmes platformës eKosova, ndërsa pas shqyrtimit dhe verifikimit janë aprovuar 4,967 aplikime.
Provimi do të mbahet të shtunën, më 29 gusht 2026, duke filluar nga ora 10:00, në 55 qendra testimi.
Kandidatët duhet të paraqiten në qendrën e përcaktuar sipas listave përfundimtare dhe të kenë me vete dokumentin përkatës të identifikimit.
Ministria ka kërkuar respektimin e plotë të udhëzimeve dhe rregullave, me qëllim që procesi i testimit të zhvillohet në mënyrë të rregullt, të sigurt dhe të barabartë për të gjithë kandidatët.
