Deputeti i Grupit Parlamentar të PDK-së, Eman Rrahmani, e ka kritikuar ashpër Qeverinë Kurti në raport me procesin në Hagë.
Në emisionin “DPT te Fidani”, ai ka deklaruar se pushteti i Albin Kurtit për gjashtë vjet nuk ka ndërmarrë asnjë hap për t’i ndihmuar ish-krerët e UÇK-së në Hagë.
Sipas Rrahmanit, Qeveria ka bërë përpjekje për të penguar familjarët e çlirimtarëve.
Reklamë
“Më vjen shumë keq që një pushtet për gjashtë vjet nuk e ka bërë asnjë hap për me i dalë në ndihmë, madje ka bë shumë hapa qoftë për me i pengu familjarët e tyre, qoftë për me jep ata duhet me e dhënë në mbrojtje të tyre, edhe unë e kam thënë edhe më herët që nuk kam besim që asnjë hap në mënyrë të vullnetshme nuk do të bëhet prej këtij pushteti”, ka thënë ai.
Ai ka bërë me dije se edhe miratimi i Ligjit për Specialen ka ndodhur për shkak të presionit të protestave të vazhdueshme.
Deputeti ka bërë me dije se Kurti e njeh vetëm gjuhen e protestës.
“E vetmja mënyrë për me e detyru edhe me ndiku në këtë proces janë protestat dhe sheshi. Unë mendoj që është gabim ndalja e protestës në shesh, të paktën një herë në javë është dashur me ia mbush sheshin me njerëz Albin Kurtit”, është shprehur Rrahmani.
