Duartrokitjet e brohoritjet s’ndalen në Ribar të Madh e Zllakuqan, mbështetje e fuqishme për Imri Ahmetin

Përkrahjen që e mori sonte në Ribar të Madh dhe Zllakuqan, kandidati i LDK-së për kryetar të Lipjanit, Imri Ahmet e ka vlerësuar si dëshmi që kanë punuar në çdo fshat.

Ahmeti kujtoi disa projektet të kryera gjatë këtij mandari si ndërtimi i shkollës së re, ndërtimi i sallës sportive, zgjerimi i rrugës “Vehbi Kozhani” deri në Zllakuqan, riasfaltimi i rrugës kryesore deri në Poturovc, si dhe shumë projekte të tjera infrastrukturore.

“Programin tonë, që në qendër ka qytetarin dhe vazhdimësinë e punëve të mira, e prezantuam sonte në mesin e qytetarëve të Ribarit të Madh dhe të Zllakuqanit.

Përkushtimi i tyre dhe mbështetja masive na japin forcë për fitoren e madhe që na pret”, tha ai.

Ahmeti në fund shtoi se Ribari i Madh dhe Zllakuqani konfirmuan edhe një herë se qëndrojnë të bashkuar me objektivat dhe vizionin e tyre për të vazhduar përpara.