Kandidatja për deputete, Albena Reshitaj ka reaguar ndaj ofendimit që ministri në detyrë i Punëve të Jashtme Glauk Konjufca, ia bëri ish-presidentes Vjosa Osmani duke e quajtur atë “frizerkë”.
Reshitaj u shpreh se kur tentohet të nënçmohet gruaja, zbulohet urrejtja, paragjykimi dhe nënvlerësimi ndaj dinjitetit, inteligjencës dhe aftësisë së saj.
“Kur tentohet të nënçmohet gruaja, ajo që në të vërtetë zbulohet nuk është dobësia e saj, por urrejtja, paragjykimi dhe nënvlerësimi ndaj dinjitetit, inteligjencës dhe aftësisë së saj për të shkëlqyer në çdo profesion e në çdo rol të shoqërisë”, shkroi ajo.
Ajo u shpreh se presidentja Vjosa Osmani e ka ngritur Kosovën në piedestalin e përfaqësimit ndërkombëtar me dinjitet e profesionalizëm.