Ekspertët xhenierë të RENEA-s kanë çaktivizuar me sukses lëndën plasëse të lidhur me një aparat celular, e cila u gjet e braktisur në një rrugë të lagjes nr. 3 në Durrës.
Pas raportimit të rastit dhe rrethimit të zonës nga Policia, në vendngjarje mbërritën specialistët xhenierë, të cilët kryen procedurën e çaktivizimit të eksplozivit.
Nga verifikimet rezultoi se bëhej fjalë për një sasi të vogël lënde plasëse të lidhur me një telefon celular. Ndërhyrja përfundoi me sukses, duke eliminuar rrezikun e një shpërthimi.
Ndërkohë, hetimet vijojnë nën drejtimin e Prokurorisë. Grupi hetimor po këqyr provat materiale dhe po punon për të përcaktuar rrethanat në të cilat është vendosur apo braktisur eksplozivi.
