Reagon djali i Jakup Krasniqit: Babai im s’e ka votuar Specialen, propagandë e militantëve të VV-së

Altin Krasniqi, deputet i Partisë Demokratike të Kosovës, ka thënë se babai i tij, Jakup Krasniqi, nuk e ka votuar Gjykatën Speciale, dhe se ‘‘propaganda më e madhe e militantëve të Lëvizjes Vetëvendosje është një video e vitit 2013, kur po votohej një marrëveshje krejt tjetër dhe jo Gjykata Speciale’’.

Ai ka shkruar edhe se sot s’ka rëndësi se pse u votua Specialja, por ajo që kërkohet sot është që të mos deformohet e vërteta dhe që Gjykata Speciale të i përmbahet ligjeve të Republikës së Kosovës dhe konventave për të drejtat e njeriut.

Postimi:

Sqarim për të gjithë ata që bëjnë propagandë ose kanë rënë pre e saj:

Propaganda më e madhe e militantëve të Lëvizjes Vetëvendosje është një video e vitit 2013, kur po votohej një marrëveshje krejt tjetër dhe jo Gjykata Speciale.

Babai im, Jakup Krasniqi, nuk e ka votuar Gjykatën Speciale, e cila është votuar në vitin 2015, kohë kur ai nuk ka pasur asnjë funksion institucional.

Sot nuk ka rëndësi pse u votua Gjykata Speciale dhe nuk duhet të politizohet kjo temë; ajo që kërkohet sot është që të mos deformohet e vërteta dhe që Gjykata Speciale të i përmbahet ligjeve të Republikës së Kosovës dhe konventave për të drejtat e njeriut.

Pavarësisht bindjeve politike, unë gjithmonë do të kërkoj drejtësi, sepse e di që lufta e UÇK-së ka qenë e pastër dhe se UÇK-ja nuk i ka ikur kurrë drejtësisë, por gjithmonë i ka luftuar padrejtësit.

Ne kërkojmë vetëm drejtësi, të bazuar në fakte dhe në standarde evropiane.

Foto para 10 vitesh.