Reagon djali i Hoxhë Fatmir Latifajt pas fyerjes ndaj babait të tij: Liria që e sollën ushtarët, dëshmorët e invalidët e UÇK-së po nënçmohet

Pas reagimeve lidhur me deklaratat fyese të një qytetari ndaj Hoxhë Fatmir Latifajt, ka reaguar edhe djali i tij, Omer Latifaj.

Përmes një postimi, Omeri ka kritikuar gjuhën e përdorur ndaj babait të tij, duke e lidhur rastin me respektin që duhet t’u kushtohet atyre që kontribuuan për lirinë e Kosovës.

“Liria është dhuratë e shenjtë, ndërsa ta dish vlerën e saj është detyrë dhe besnikëri. Jemi duke u formuar si shoqëri që ‘nderon’ përdhosjen e dhuratës dhe nënçmon detyrën”, ka shkruar ai.

Omer Latifaj ka thënë se rasti tregon, sipas tij, një tendencë për të nënçmuar sakrificën e pjesëtarëve të UÇK-së.

“Historia përsëritet kur harrohet, por tek ne do të ndodhë edhe më e keqja, sepse liria që e sollën ushtarët, dëshmorët, invalidët… e UÇK-së po nënçmohet”, ka shkruar ai.

https://www.facebook.com/share/p/19GbbFejzk/