Raportohet se i arrestuarit për spiunazh, u prit në takim nga kryeministri Kurti

Pas fotografive të publikuara më herët, në të cilat Fehim Sali shfaqej pranë ish-presidentes Vjosa Osmani dhe zyrtarëve të lartë serbë, tashmë mediat lokale kanë bërë publike edhe një fotografi të tij në shoqërinë e Albin Kurtit.

Sali është arrestuar nën dyshimet për spiunazh dhe bashkëpunim me shërbimin serb BIA.

Një sasi e madhe parash të gatshme janë gjetur në shtëpinë e tij pas aksionit të Policisë.

Prokuroria ka bërë me dije se brenda afatit të përcaktuar ligjor, do të parashtrojë kërkesë për caktimin e masës së paraburgimit ndaj të dyshuarit në Gjykatën Themelore në Prishtinë.