Rama pasi Sveçla u shpall fajtor: Ministri që duhet të garantojë sigurinë, dënohet nga drejtësia për përdorim të armës

Kryetari i Komunës së Prishtinës, Përparim Rama ka komentuar vendimin e Gjykatës për hedhjen e gazit lotësjellës në Kuvend, ku ministri i brendshëm Xhelal Sveçla u shpall fajtor, shkruan GazetaDemos.

Rama u shpreh se Albin Kurti na ka sjellur në një absurd shtetëror.

"Ministri që duhet të garantojë sigurinë, dënohet nga drejtësia për përdorim të armës dhe mjetit të rrezikshëm" - u shpreh ai.

Postimi i plotë:

MINISTRI I BRENDSHËM I KOSOVËS QË DUHET TA GARANTOJË RENDIN, ËSHTË SHPALLUR FAJTOR PËR SHKELJEN E TIJ.

A po e kuptoni në çfarë absurdi shtetëror na ka sjellë Albin Kurti?

Ministri që duhet të garantojë sigurinë, dënohet nga drejtësia për përdorim të armës dhe mjetit të rrezikshëm.

Ky është standardi i pushtetit që sot na flet për ligj, rend dhe shtet.

Absurde. E turpshme.