Rama: Kurti do të na çojë prapë në zgjedhje, do që të vendosë vetë edhe për Presidentin

Kryetari i Prishtinës, Përparim Rama foli për “tendencat autokratike” të kryeministrit në detyrë, Albin Kurti në një intervistë në Frontal në T7.

Rama tha se Kurti dëshiron njerëz të nënshtruar dhe se ai beson se as fitorja prej 51.11% në zgjedhjet parlamentare të 28 dhjetorit nuk i mjafton atij.

“Unë dyshoj shumë që do të kemi qeveri për arsye se mendoj që tendencat e këtij kryeministri në detyrë është që të shkojmë prapë në zgjedhje që ta ngrisim këtë 51.11% sepse nuk mund të vendosë vetë edhe për presidentin. Pra, nëse nuk mund të vendosë vetë edhe për Presidentin, me siguri ka me provu që ta ngrisë këtë 51.11%”, tha ai.

Rama tha se Kurti dëshiron që të vendosë vetë edhe për Presidentin.

“Nëse e analizon, atëherë unë besoj që nuk është i kënaqur as me 51.11%. Ai do që të vendosë vetë se a do të jetë Vjosa, a do të jetë ky apo ai president”.