Indeksi i Pasaportave Henley, një nga disa renditje që matin fuqinë e pasaportave, atë të Kosovës e rendit në vendin e 65-ta në botë.
Kosovarët mund të udhëtojnë me të, pa vizë, në 81 vende.
Në renditjen paraprake tremujore, pasaporta kosovare renditej e 61-ta me 82 vende ku mund të udhëtoje me të pa vizë.
Pasaporta e Shqipërisë, që paraprakisht renditej e 49-ta, këtë herë është në vendin e 47, me 122 vende në të cilat mund të shkosh me të.
Nga pasaportat e shteteve tjera të rajonit, ajo e Serbisë renditet e 36–ta, e Bosnjës e 47-ta, e Malit të Zi e 43-ta dhe e Maqedonisë së Veriut e 42-ta.
Indeksi i Pasaportave Henley mat fuqinë e pasaportave, dhe për herë të parë në historinë e tij 20-vjeçare, pasaportën amerikane e ka lënë jashtë listës së 10 më të mirave.
Tre pasaporta aziatike mbajnë tani kryesimin e renditjes: Singapori, me hyrje pa vizë në 193 destinacione në mbarë botën; Koreja e Jugut, me hyrje në 190; dhe Japonia, me 189.
Ndërkohë, Shtetet e Bashkuara renditen në vendin e 12-të në renditjen më të fundit tremujore, në të njëjtin nivel me Malajzinë.
Qytetarët e të dy vendeve gëzojnë hyrje pa vizë në 180 nga 227 vendet dhe territoret që ndiqen nga indeksi, i cili u krijua nga firma këshilluese globale për shtetësi dhe qëndrim Henley & Partners, me qendër në Londër, dhe përdor të dhëna ekskluzive nga Shoqata Ndërkombëtare e Transportit Ajror.
Top-lista: