Prokuroria Speciale ka paraqitur kërkesë për caktimin e masës së paraburgimit ndaj analistit tanimë të arrestuar, Fatmir Sheholli.
Sheholli u arrestua dje pas disa hetimeve të kryera në bashkëpunim nga Policia, AKI dhe Prokuroria Speciale.
Ndërsa sot u bë e ditur se tanimë Prokuroria Speciale ka kërkuar caktimin e masës së paraburgimit.
“Prokuroria Speciale e Kosovës, ka paraqitur kërkesë për caktimin e masës së paraburgimit në Gjykatën Themelore në Prishtinë, ndaj F.SH., nën dyshimin se ka kryer veprën penale “Spiunazh”, thuhet në njoftim.
Sheholli dyshohet për veprën spiunazh, derisa thuhet se i njëjti kishte bartur informacione të rëndësishme të Kosovës tek BIA serbe.
