Sot nga ora 09:30, në Gjykatën Themelore në Prishtinë ka nisur rigjykimi në rastin e Endrit Nikës. Në lidhje direkte janë paraqitur edhe prindërit e argjentinases.
Në të njëjtën kohë ka reaguar edhe Endrit Nika, i cili ka mohuar akuzat, duke deklaruar se është i pafajshëm.
“E kam kuptuar aktakuzën, jam i pafajshëm”, është shprehur Nika.
Gjykata Themelore e kishte dënuar me 18 vjet burgim për veprën penale “Vrasje e rëndë” ndaj partneres së tij, Maria Clara Urdangaray.
Sipas akuzës, gjatë goditjeve dhe shtyrjeve, e dëmtuara u dërgua në qoshe të dhomës, nga ku më nuk kishte ku të largohej, derisa korniza e dritares u shkëput dhe ajo u hodh jashtë.
Vetë Nika e kishte mohuar ta ketë prekur me dorë, duke ofruar një version tjetër për ngjarjen. Ekspertiza e kornizës së dritares u krye vetëm pas një viti e gjysmë, në një kohë kur pronari i hotelit kishte vendosur tashmë një kornizë të re me tre shtresa xhami, duke ndryshuar strukturën fillestare.
