Deputetja e LDK-së, Hykmete Bajrami ka publikuar një video të Kryeministrit në detyrë, Albin Kurti të vitit 2019 ku premtonte se do ta lironte energjinë eletrike.
Bajrami thotë se çmimi i energjisë është dyfishuar. Këtu ajo përmend edhe kompaninë e vëllait të shefit të kabinetit të Kurtit, Luan Dalipit.
“Nga premtimi i Albin Kurtit se do të lirojmë energjinë elektrike, sepse është tepër e shtrenjtë kur ne rrimë mbi gjithë këtë energji që kemi, te rritja e çmimit dyfish për të gjithë. Nga deklarimi se nuk bëjmë politika për 1% të kompanive (kishin fjalën për 1300 që i përjashtuan nga shërbimi universal i furnizimit me energji) deri te politika që punon vetëm për vëllain e Luan Dalipit, NOA-n dhe kompaninë e Vuk Hamoviçit”, shkruan deputetja e LDK-së.
“Kjo është Republika nën qeverisjen e Albin Kurtit, e stërkequr nga korrupsioni dhe interesat e ngushta”, shkruan tutje Bajrami.
