“Pozicion as mish as peshk, e ka dëmtu – Ambiciet e mëdha, takatin e vogël”, Burim Ramadani për LDK-në

Analisti Burim Ramadani, ka thënë në “Pressing” të T7, se LDK-ja ka pasur një pozicion ‘as mish as peshk”, gjatë vitit 2025.

Ai tha se edhe brenda LDK-së ka pasur shumë energji negative.

“LDK-ja e ka një ekip prej më të mirëve në Kosovë, por çfarë i ka gjetur me atë energji negative brenda vetes nuk e di. LDK-ja është rritur dukshëm në shkurtin e vitit 2025, pritjet për brenda kanë qenë që rritet edhe më tutje, sepse trendi është kthy me një reformim nivel qendror, por nuk është reflektu në listën e kandidatëve për deputetë”.

“LDK-së i ka kushtu edhe qasja që e kanë refuzu Qeverinë me VV, si dhe e kanë shantazhu opozitën ose ne ose fare, pra ka qenë pozicion as mish as peshkë, ambiciet i ka të mëdha por takatin e vogël”, ka thënë Ramadani.