Posta e Kosovës ka lëshuar sot në qarkullim postar emisionin e ri të pullave nga tema “Evropa”, të titulluar “70-vjetori i pullës Evropa”. Ky emision shënon një përvjetor të rëndësishëm në historinë e bashkëpunimit filatelik evropian.
E emetuar për herë të parë në vitin 1956 nga gjashtë shtete evropiane, pulla EUROPA është shndërruar në simbol të unitetit, paqes dhe bashkëpunimit ndërmjet vendeve të kontinentit.
Për shtatë dekada, këto pulla kanë pasqyruar vlerat e përbashkëta evropiane, duke bashkuar kulturën, historinë dhe identitetin e vendeve pjesëmarrëse përmes artit filatelik.