Policia: Një person dyshohet se ka hyrë në Liqenin e Batllavës dhe më pas nuk është parë të dalë

Po raportohet se në Liqenin e Batllavës një i ri është fundosur gjatë kohës që po lundronte me një varkë.

Në vendin e ngjarjes kanë dalë ekipet e kërkim-shpëtimit, të cilat kanë nisur operacionin për lokalizimin e personit të zhdukur.

Rastin e ka konfirmuar zëdhënësi i Policisë për rajonin e Prishtinës, Enis Pllana.

“Rreth orës 13:00, Policia ka pranuar informatën se një person dyshohet se ka hyrë në ujë në Liqenin e Batllavës dhe më pas nuk është parë të dalë. Menjëherë pas pranimit të informatës, janë angazhuar të gjitha njësitë relevante policore, si dhe njësitë e tjera të kërkim-shpëtimit, me qëllim të lokalizimit të personit. Aktualisht, operacioni i kërkimit dhe shpëtimit është duke vazhduar”, thuhet në njoftimin e Policisë”, tha Pllana.