Policia identifikon tre të dyshuar për atentatin në Lezhë, dyshohet hakmarrje

Policia e Shtetit të Shqipërisë ka identifikuar tre persona të dyshuar për atentatin e dyfishtë në Lezhë, ku dyshohet se motivi i ngjarjes është hakmarrja.

Sipas hetimeve, të dyshuarit A.M. (22 vjeç), F.M. (36 vjeç) dhe R.M. (23 vjeç), banues në Lezhë, dyshohet se kanë ndjekur lëvizjet e shtetasit Kreshnik Mujeci dhe më pas kanë kryer sulmin me armë zjarri ndaj automjetit të tij, ku ndodhej edhe bashkëshortja e tij.

Pas ngjarjes, autorët janë shpallur në kërkim, ndërsa në operacionin për kapjen e tyre janë përfshirë edhe forcat speciale RENEA dhe njësitë operacionale të policisë.

Hetimet po vijojnë nën drejtimin e Prokurorisë për zbardhjen e plotë të rrethanave dhe dokumentimin ligjor të rastit.