Plagosi fqinjin me thikë për motive banale, detaje nga ngjarja në Korçë

Një konflikt mes komshinjve në Korçë ka përfunduar ditën e sotme me një të plagosur, në lagjen numër 14 të qytetit të Korçës.

Të dy komshinjtë kanë debatuar më parë për motive banale, ndërsa ditën e sotme jashtë banesave të tyre ata janë përleshur, teksa njëri prej tyre ka nxjerrë thikën duke goditur komshiun dy herë, shkruan Euronews.al

Autori i plagosjes, i identifikuar si G.R rreth 50-vjeç, pas plagosjes ka shkuar në banesë, aty ku është gjetur dhe arrestuar nga policia e Korçës. Paraprakisht, dyshohet se ai vuan nga probleme të shëndetit mendor.

I plagosuri i identifikuar si R.J, rreth 40-vjeç ndodhet në reaminacionin e Spitalit Rajonal të Korçës ku po merr mjekim.