“Të lëshohet pe, nuk jam që të shkojmë në zgjedhje të reja”, kjo është deklarata e deputetës së Aleancës, Albana Bytyqi, të cilën e dha së fundmi, e që ngjalli reagime për shkak të parimeve që mbanë partia në të cilën bënë pjesë vet ajo, sa i përket çështjes së presidentit.
Kundër me këtë qendrim ka dalë aktivisti i partisë, Ardian Azemi.
Ky i fundit i tha Bytyqit se lëshimi pe do të ishte tradhti ndaj votuesve të Aleancës, pasi siç deklaron ai, ishin qëndrimet e partisë karshi pozitës dhe kreut të pozitës, që rreshtuan pas vete mbi 50 mijë votues.
“Para se me lëshu pe, duhet me dalë publikisht e me iu kërku falje 54 mijë e 729 votuesve të Aleancës, të cilët kanë besuar kur iu kemi thënë se Albin Kurti është shkatërrues, është hajn, është i dëmshëm për shtetin dhe se duhet të largohet sa më parë nga pushteti, sepse po e rrezikon të ardhmen e Kosovës. Vetëm pas kësaj mund të bëni çfarë të doni. Është tradhti ndaj votuesit me ia marrë votën për një kauzë, e sapo ta sigurosh ulësen, me vepru krejt ndryshe.
Me lëshu pe në raport me kë? Me Albin Kurtin? Jo bre. Nuk mund të bësh kompromis me dikë për të cilin vetë ke thënë se po i realizon interesat e Serbisë në Kosovë, vetëm që të mos shkohet edhe një herë në zgjedhje. Kjo më shumë duket si frikë nga humbja e mandatit sesa interes për Kosovën.
Leni këto pallavra. Në interes të Kosovës është edhe 50 herë me shku në zgjedhje, sesa me ia mundësu këtij njeriu me vazhdu me e rrënu Republikën tonë deri në pikën e pakthimit. E për Zotin, ju s’keni faj. Jo bre. Fajin e kemi ne, jo ju”, tha ai.
