Afati për partitë politike të regjistruara në Kosovë që të deklarohen pranë KQZ-së rreth pjesëmarrjes në zgjedhjet e ardhshme, apo mos pjesëmarrjes së tyre, ka përfunduar në mesnatë. Brenda këtij afati është dashur të bëhet edhe deklarimi i koalicioneve parazgjedhore.
Bazuar në të dhënat e fundit të publikuara nga Komisioni Qendror i Zgjedhjeve, deri në orën 21:30 të mbrëmjes së kaluar, 22 parti politike kishin konfirmuar pjesëmarrjen në zgjedhje, ndërsa 8 të tjera kishin njoftuar se nuk do të garojnë. Ndërkohë, janë regjistruar edhe dy koalicione parazgjedhore, ku përfshihen pesë parti politike.
Sipas të dhënave të KQZ-së, partitë politike që deri mbrëmë kanë njoftuar pjesëmarrjen në zgjedhje janë:
Partia Socialdemokrate
Kosovaki Nevi Romani Partia
Partia Socialdemokrate e Ashkalinjve
Za Slobodu Pravdu i Opstanak
Srpska Lista
Yenilikçi Türk Hareket Partisi
Lidhja Demokratike e Kosovës
Fjala
Lëvizja Përparimtare e Romëve të Kosovës
Partia Rome e Bashkuar e Kosovës – PREBK
Socialdemokratska Unija
Jedinstvena Goranska Partija
Kosova Demokratik Türk Partisi
Nova Demokratska Stranka
Iniciativa e Re Demokratike e Kosovës
Kosovski Savez
Partia Balliste
Partia Qytetare për Mirëqenie Sociale
Partia Liberale Egjiptiane
Aleanca për Ardhmërinë e Kosovës
Stranka Demokratske Akcije
Partia Demokratike e Kosovës.
Ndërkohë, partitë politike që kanë njoftuar mospjesëmarrjen në zgjedhje janë:
Partia Demokratike e Unitetit
Balli Kombëtar i Kosovës
Lëvizja Qytetare Vatra
Bashkimi për Ndryshim Anamorava
Partia e Drejtësisë
Srpski Narodni Pokret
Partia Reforma Demokratike
Aleanca Kosova e Re.
Sa i përket koalicioneve, deri tani KQZ ka pranuar njoftimin për formimin e dy koalicioneve:
Demokratska Stranka Bošnjaka dhe Demokratska Stranka Vatan (Koalicija VAKAT);
Partia e Ashkalinjëve për Integrim, Partia Demokratike e Ashkalinjve të Kosovës dhe Lëvizja për Bashkëveprim (Ashkalitë e Bashkuar).
Në mesin e partive të mëdha politike që ende nuk kanë njoftuar zyrtarisht pjesëmarrjen në zgjedhje deri në orën 21:30 të mbrëmshme është edhe Lëvizja Vetëvendosje.
KQZ ka sqaruar se njoftimi për pjesëmarrje ose mospjesëmarrje në zgjedhje dhe deklarimi i koalicioneve është proces i ndarë nga aplikimi për certifikim të subjekteve të reja politike dhe dorëzimi i listave të kandidatëve për deputetë.
Afati për aplikim për certifikim të subjekteve të reja politike – përfshirë koalicionet, nismat qytetare dhe kandidatët e pavarur ka nisur më 2 maj dhe do të përfundojë më 10 maj. Ndërkaq, dorëzimi i listave të kandidatëve për deputetë ka filluar më 2 maj dhe do të zgjasë deri më 12 maj 2026.
