PDK sërish me aksion para Qeverisë

Deputetët e Partisë Demokratike të Kosovës (PDK) kanë vazhduar edhe sot aksionin e tyre, duke bllokuar hyrjen e ndërtesës së Qeverisë së Kosovës.

PDK-ja së bashku me Aleancën kanë bllokuar hyrjen e Qeverisë nga ora 07:30 e mëngjesit.

Ata po kërkojnë që kryeministri në detyrë, Albin Kurti, t’i kthehet Kuvendit të Kosovës dhe të thërrasë seancën për konstituimin e legjislaturës.

Sipas tyre është e domosdoshme zhbllokimi i procesit të konstituimit të Kuvendit, në mënyrë që institucionet e vendit të mund të funksionalizohen.