Pas zjarreve në Istog, reagon Ukë Blakaj kandidat për kryetar të komunës së Istogut

Kandidati për kryetar të komunës së Istogut nga AAK, Ukë, Blakaj ka reaguar pas zjarreve në Istog.

“Pamjet e fundit tregojnë se nevojiten urgjentisht mjete moderne për reagim, sepse zjarrfikësit nuk mund të përballojnë rreziqe të tilla me automjete e pajisje të dekadave më parë”, shkroi ai.

Reagimi i plotë:

Zjarret po rrezikojnë prona e investime jetësore në komunën e Istogut.

Bashkëndjej me të gjithë qytetarët që po përballen me këtë sfidë të rëndë.

Pamjet e fundit tregojnë se nevojiten urgjentisht mjete moderne për reagim, sepse zjarrfikësit nuk mund të përballojnë rreziqe të tilla me automjete e pajisje të dekadave më parë.

Është koha për veprim. Siguria e qytetarëve kërkon përgatitje të mirëfilltë!