Pas aksidentit tragjik në Vushtrri, sot i jepet lamtumira e fundit 22-vjeçarit

22-vjeçari që humbi jetën në një aksident trafiku në zonën e Vushtrrisë do të varroset sot.

Sipas njoftimit të familjarëve përmes një postimi në Facebook, i riu Drilon Meniqi do të varroset pas namazit të drekës.

I ndjeri humbi jetën mbrëmë pas një aksidenti të rëndë trafiku mes një automjeti dhe një motoçiklete, i cili ndodhi në rrugën nacionale Mitrovicë-Prishtinë. Drilon Meniqi, si drejtues i motoçikletës, nuk ka arritur t’u mbijetojë plagëve të marra.

Në njoftimin mortor thuhet:

“Të Allahut jemi dhe tek Ai do të kthehemi. Me dhimbje të thellë njoftojmë familjarët, miqtë dhe dashamirët se ka ndërruar jetë i dashuri ynë DRILON MENIQI. Varrimi i të ndjerit do të bëhet me namazin e drekës. Ftohen të gjithë ata që dëshirojnë të marrin pjesë dhe të nderojnë të ndjerin në përcjelljen e tij të fundit. Lusim Allahun e Madhërishëm ta mëshirojë, ta falë dhe ta shpërblejë me Xhenetin Firdeus”.