Pamje të tjera, momenti kur Granit Plava arrin në restorant, pas tij edhe Naim Murseli me familje

Në Gjykatën Themelore në Prishtinë po vazhdojnë të shfaqen video-incizimet të ditës së vrasjes së Liridona Ademajt rast për të cilin po gjykohen Naim Murseli, Granit Plava dhe Kushtrim Kokalla.

Në pamjet e fundit janë shfaqur edhe ato të natës kritike ku prokurorja e rastit sqaron se aty shihet vetura e Naim Murselit si dhe ajo e Granit Plavës, njëri pas tjetrit teksa arrijnë në restorant.

I pari që futet brenda është Granit Plava, e më pas edhe Naim Murseli me familjen e tij, Liridona Ademajn dhe dy fëmijët.

Prokuroria Themelore në Prishtinë, më 15 janar 2025, ngriti aktakuzë ndaj Naim Murselit, Granit Plavës, Kushtrim Kokallës dhe Tom Dodajt. Sipas aktakuzës, Murseli, Plava dhe Kokalla kishin dakorduar që vrasja të kryhej nga Plava, me marrëveshje që Murseli t’i paguante 30 mijë euro.

Liridona Ademaj u vra më 29 nëntor të vitit 2023 me një plumb në qafë në një zonë të fshehtë në fshatin Sinidoll të Prishtinës.