Sot rreth orës 13:50, ka ndodhur një aksident i rëndë mes një treni dhe një veturë në fshatin Grabovc i Poshtëm të Fushë Kosovës.
Si pasojë e këtij aksidenti, tre persona kanë mbetur të lënduar. Rastin e ka konfirmuar zëdhënësja e Policisë për Rajonin e Prishtinës, Flora Ahmeti.
“Rreth orës 13:50 kemi pranuar informatën për një aksident trafiku në fshatin Grabovc i poshtëm. Në këtë aksident ka qenë i përfshirë një tren dhe një automjet . Si pasojë e aksidentit, tre persona janë lënduar. Me rastin po merret Njësiti i Trafikut Rajonal”, ka deklaruar Ahmeti.
Në pamjet e publikuara nga GazetaDemos, shihet intervenimi i shpejt i pjesëtarëve të FSK-së, dhe dhe ekipit mjekësor.
