Pacientët pediatrikë: Nuk ka eho, ultrazë pas orës 13:00

Pediatria është porta e parë kur sëmuren të vegjëlit.

Megjithatë jo të gjitha shërbimet mund t`i marrin pacientë-fëmijë pas orës 13:00 në këtë klinikë.

Për ekzaminime radiologjike si eho apo të ngjashme, prindërit duhet t’i dërgojnë ata tek Klinika e Radiologjisë në QKUK që ndodhet mbi emergjencë.

Orvatjet e tilla nga një klinikë në tjetrën për prindërit thonë se janë të mundimshme, derisa theksojnë se ka mungesë komunikimi për orientim, ngase jo të gjithë e njohin QKUK-në.

Ndërkaq kërkojnë që të paktën shërbimet për fëmijët të jenë të kompletuara në mënyrë që të kryhen në një vend.

Në fakt edhe menaxhmenti i QKUK-së e ka menduar këtë organizim pune.

Megjithatë këta premtojnë se kjo punë do të kryhet më 2027.

Në mes tjerash, u bë e ditur se për këtë çështje po punohet në koordinim edhe me Ministrinë e Shëndetësisë.