Osmani niset drejt ShBA-së, merr pjesë në themelimin zyrtar të Bordit të Paqes

Presidentja e Republikës së Kosovës, Vjosa Osmani është nisur drejt Shteteve të Bashkuara të Amerikës për të marrë pjesë në themelimin zyrtar të Bordit të Paqes në Washington.

Presidenti Donald Trump prezantoi “Bordin e Paqes” në Davos të Zvicrës, me ceremoninë e nënshkrimit ku morën pjesë rreth 20 vende, mes tyre edhe Kosova, derisa Osmani nënshkroi deklaratën.

Bordi do të mbikëqyrë rindërtimin e Gazës dhe do të kërkojë zgjidhjen e konflikteve globale.

Presidenti amerikan, Donald Trump ka deklaruar se ky Bord e ka potencialin të jetë “një nga organet më të rëndësishme të krijuara ndonjëherë”.