Presidentja e Kosovës, Vjosa Osmani, ka pritur dje në takim një delegacion të Shoqatës për Mbrojtjen e të Drejtave të Pacientëve, me të cilët ka diskutuar për sfidat aktuale në sistemin shëndetësor dhe domosdoshmërinë për të fuqizuar të drejtat e pacientëve në vend .
Gjatë takimit, Osmani ka theksuar rëndësinë e ngritjes së vetëdijes publike për të drejtat e pacientëve, duke vënë theksin në përmirësimin e qasjes në shërbime shëndetësore cilësore, transparente dhe të barabarta për të gjithë qytetarët.