“Rrethrrotullimi në Zonën Industriale (tek Kastrati), që lidh rrugën “Dardania” me “Nënë Tereza”, është projekt i yni që do ta ndërtojmë për ta lehtësuar qarkullimin dhe rritur sigurinë në komunikacion”.
Kështu ka deklaruar kandidati i LDK-së për kryetar të komunës së Fushë Kosovës, Besnik Osmani.
Ai tha se ky projekt ideor është konceptuar si pjesë e zhvillimit të infrastrukturës moderne në qytet, me dizajn funksional, ndriçim publik dhe sistem të qartë sinjalizimi.
“Me realizimin e tij, Fushë Kosova do të fitojë një nyje të re rrugore që rrit sigurinë, efikasitetin dhe vlerën urbane të zonës”, tha Osmani.
